1Tətbiqin məqsədi

ABA tətbiqi kənd təsərrüfatı sahəsində fəaliyyət göstərən istifadəçilərə yəni əkinçilərə, ticarətçilərə və müşahidəçilərə rəqəmsal platforma xidmətləri təqdim edir.

Tətbiq vasitəsilə istifadəçilər elan yerləşdirə, tender və hərraclara qoşula, aqrotexniki məlumatlar əldə edə, abunəlik xidmətlərindən yararlanabilər.

Tətbiqdən istifadəyə başlamaqla istifadəçi bu İstifadəçi Şərtlərini, həmçinin Məxfilik Siyasətini qəbul etmiş hesab olunur.

2Qeydiyyat və hesab

Tətbiqdən tam istifadə üçün qeydiyyat tələb olunur. Qeydiyyat zamanı istifadəçi aşağıdakı öhdəlikləri qəbul edir:

• Təqdim edilən bütün məlumatların doğru, tam və aktual olması
• Hesab məlumatlarının (şifrə və s.) məxfiliyinin qorunması
• Hesabın başqasına verilməməsi və ya üçüncü şəxslər tərəfindən istifadəsinə icazə verilməməsi
• Hesabda baş verən icazəsiz hər hansı fəaliyyət barədə ABA-ya dərhal məlumat verilməsi

3Məlumatların düzgünlüyü və istifadəçi məsuliyyəti

ABA istifadəçilərin platforma daxilində daxil etdikləri bütün məlumatların doğru olduğuna inanır və bu əsasda xidmət göstərir.

İstifadəçi tərəfindən yanlış, natamam və ya yanıltıcı məlumat daxil edilməsi nəticəsində yaranan hər hansı zərər, itkisi və ya mübahisə üçün ABA məsuliyyət daşımır.

• Profil məlumatları, elan məzmunu, sahə ölçüləri, məhsul kateqoriyaları və digər bütün istifadəçi girişlərinin doğruluğuna görə istifadəçi özü cavabdehdir
• Yanlış məlumat əsasında qərar verən digər istifadəçilər qarşısında məsuliyyət həmin məlumatı daxil edən istifadəçiyə aiddir

4Şəxsi məlumatların paylaşılması

ABA platforması istifadəçilərə CV, sertifikat, əlaqə nömrəsi və digər fərdi məlumatlarını digər istifadəçilərlə (işəgötürən, alıcı, satıcı və s.) paylaşmaq imkanı verir.

İstifadəçi bu məlumatları elanın tələbləri əsasında paylaşır. Paylaşma əməliyyatını həyata keçirməklə istifadəçi aşağıdakıları qəbul etmiş sayılır:

• Paylaşılan məlumatların doğruluğuna və nəticəsinə görə məsuliyyəti öz üzərinə götürür
• ABA bu əməliyyatlarda yalnız platforma kimi çıxış edir və ötürülən məlumatların istifadəsinə görə məsuliyyət daşımır

5Qadağan edilmiş hərəkətlər

Aşağıdakı hərəkətlər platformada qadağandır:

• Yanlış şəxsiyyət, saxta sənəd və ya başqasının adından qeydiyyat
• Yanıldıcı, saxta və ya aldadıcı elan yerləşdirmək
• Söyüş, təhqiredici, qeyri-etik və ya ayrı-seçkilik yaradan məzmun paylaşmaq
• Spam, kütləvi və ya avtomatlaşdırılmış mesaj göndərmək
• Platformanın texniki infrastrukturuna müdaxilə etmək və ya zəifliklərdən sui-istifadə etmək
• Digər istifadəçilərin şəxsi məlumatlarını onların razılığı olmadan toplamaq və ya yaymaq
• Hər hansı qanunla qadağan edilmiş fəaliyyəti platformada həyata keçirmək

6Fırıldaqçılıqdan azad məsuliyyət

ABA platforma kimi fəaliyyət göstərir və istifadəçilər arasındakı əlaqələrə birbaşa tərəf deyil.

İstifadəçilərin bir-biri ilə münasibətlərindən, əməliyyatlarından və ya hərəkətlərindən irəli gələn fırıldaqçılıq, aldatma, mənimsəmə və digər haqsız hərəkətlər üçün ABA məsuliyyət daşımır.

• İstifadəçilər platformada şübhəli hərəkət aşkar etdikdə ABA-ya bildirməlidir
• Şikayətlər araşdırılır, lakin ABA nəticə barədə zəmanət vermir
• Fırıldaqçılıqla bağlı hüquqi məsələlər müvafiq dövlət orqanlarına yönləndirilməlidir

7Hesabın bloklanması və xidmətin dayandırılması

ABA aşağıdakı hallarda istifadəçinin hesabını müvəqqəti və ya daimi olaraq bloklamaq hüququna malikdir:

• Bu İstifadəçi Şərtlərinin pozulması
• Saxta məlumat və ya sənədlə qeydiyyat
• Platformanın sui-istifadəsi və ya texniki infrastruktura müdaxilə
• Digər istifadəçilərə zərər verən hərəkətlər
• Qanunla ziddiyyət təşkil edən fəaliyyət

Bloklanma qərarı barədə istifadəçiyə bildiriş göndərilə bilər, lakin bu öhdəlik kimi qəbul edilmir. Bloklanma zamanı aktiv abunəlik ödənişi geri qaytarılmır.

8Ödəniş şərtləri

Platformanın bəzi funksiyaları ödənişli abunəlik tələb edir. Ödəniş şərtləri aşağıdakı kimidir:

• Kart məlumatları (nömrə, CVV, son istifadə tarixi) ABA tərəfindən saxlanmır; ödəniş sertifikatlaşdırılmış provayder olan GoldenPay OJSC vasitəsilə həyata keçirilir
• Ödəniş könüllü əsasda həyata keçirilir; istifadəçi ödəniş düyməsini sıxmaqla əməliyyatı təsdiqləmiş sayılır
• Tamamlanmış ödənişlər geri qaytarılmır
• Elan yerləşdirmək, tender və ya hərracda iştirak etmək üçün ödənilmiş məbləğlər, nəticədən asılı olmayaraq, geri qaytarılmır
• Texniki xəta nəticəsində uğursuz olan əməliyyatlar barədə support@aba-az.com ünvanına müraciət edilməlidir

9Şərtlərdə dəyişikliklər

Bu İstifadəçi Şərtləri zaman-zaman yenilənə bilər.

Dəyişiklik olduqda:

• Sənədin yuxarısındakı "Son yenilənmə tarixi" yenilənəcək
• Əhəmiyyətli dəyişikliklər barədə tətbiq daxilində bildiriş veriləcək

Bildirişdən sonra tətbiqdən istifadəyə davam etmək yenilənmiş şərtlərin qəbul edilməsi hesab olunur.

10Əlaqə

Bu İstifadəçi Şərtləri ilə bağlı suallarınız, şikayətləriniz və ya müraciətləriniz üçün bizimlə əlaqə saxlaya bilərsiniz: